امثال شعبية من التراث

امثال شعبية من التراث . السوفي-
ضرب الليل طلع النهار
- الريح إللي جاء يديه
- بات ليلة مع الدجاج صّبح يقاقي
- عشية مع عشية تصبح المسلمة يهودية
- فاضل ولا مخصوص
ـ كسكسله يرجع لاصله
ـ ضيقة الروح تنسل السعف
ـ طرشاء وقالولها زغردي
ـ براح وغادي بهيمه
ـ الحمام لمكسر ينزل عالبرج الخالي
-صبرت قلبي للصبر ماباشي راني صابر والنار لهبت جاشي
-شيعت عيني للجبل ورقيتة كمش إيدي بالنوار شوك لقيته
-كونه زيتها في عكتها باين على قصتها
-الطايرة يخطف منها ريشة
-الفم المغلوق ما تدخله ذبانة
-مازاهش الواد او رامله راح اينقل من كوينين
-طول الخيط ايغدي لبرة
-عوانة في ام سلمى
-العود اللي تحقرو يطمزك
-ما يعجبك نوار دفلة في الواد داير ضلايل ولا يعجبك زين طفلة حتى تشوف الفعايل
-يالوالدين طيعو الذرية واعطوهم المصروف
-شوي من الحنة وشوي من رطابة اليد
-صاحب السوء إذا عفس على جناحك قصه
-في النهار تحوف وفي الليل تخدم الصوف
-كل جرح يبرى يا صبرى وكل جرح تبيريه الضميدة كن كلمة السوء كل يوم تصبح وتمسى جديدة
-الجوع ايعلم السقاطة والفقر ايعلم لخياطة
-الي ما لحق قال اخ صيش
-قداش من نملة دخلت هاك الغار
-اللعب ماهوش بعشانا
-زيتنا ايبسس دقيقنا
-بعد ما شاب علقوله حجاب
- ضربات بالفيسان ولا ضربان باللسان
- إنلم فمي ولساني نروح لقبري هاني.
- إلي تضربو إيدو ما يحس.
- إلي ما شاورك هناكَ.
- القطة من العجلة جابت ذرها عميان.

شكرا على الموضوع الرائع
لولو اني لم افهمها كلها
بارك الله فيك

المهم مرورك مستمورث

بسمة امل كتب:مرسي ليلى على الامثال الجميلة
سعيد شفت كيفاش دوخناك بسوفية
كيما دوختنا بالقبائلية

لا مشي دوختوني لكن مفهمتش البعض



صار دوختك بالقبايلية
دوك ندوروها كامل سوفية

شكرا لمروركم الرائع تقبل الله صيام الجميع

ليلى كتب:المهم مرورك مستمورث

ثنميرث يليس نسمورث

مشكور اخى

روعة مرسي على الموضوع
على الاقل تعرفنا على ولاية جديدة